Nga Redaksia:
Një tjetër dështim i madh në botën e “ekonomisë së gjelbërt” dhe projekteve të mbështetura nga paratë publike. Kompania franceze Ÿnsect, e specializuar në prodhimin e plehrave dhe ushqimeve për kafshë nga larvat e insekteve, ka njoftuar më 1 dhjetor likuidimin e saj, me urdhër të Gjykatës së Tregtisë në Evry.
Sipas faqes zyrtare të kompanisë, në Amiens kjo kompani kishte “ferma vertikale më të madhe në botë”, një objekt 45.000 metra katrorë dhe 36 metra i lartë, plotësisht i automatizuar. Në Dole gjendej fabrika e parë e prodhimit në shkallë të gjerë, ndërsa Evry ishte selia qendrore dhe qendra e kërkimit dhe zhvillimit. Në Paris ishin zyra korporative.
Megjithatë, projekti “ultrasubvencionuar” i ekonomisë së gjelbërt nuk arriti të funksiononte: sipas Le Monde, kompania nuk arriti kurrë të bëhej fitimprurëse. Që në vitin 2023, humbjet e saj arritën 80 milion euro, pasi një vit më parë kishte regjistruar humbje prej 90 milion eurosh. Për pasojë, numri i punonjësve u reduktua nga 360 në 2022 në 214 në 2024, dhe më pas në 144 në 2025, për shkak të një plani shtrëngimi të shpenzimeve.
Pavarësisht tentativave për reorganizim dhe kërkimin e metodave më të lira të kultivimit, kompania nuk arriti të sigurojë fonde shtesë brenda afatit dhe përfundimisht dështoi. Arsyet e këtij dështimi sipas mediave franceze janë: mbivlerësimi i modelit të biznesit, besimi i tepërt në suksesin e menjëhershëm dhe zgjerimi i shpejtë përpara rritjes së normave të interesit dhe uljes së interesit të investitorëve.
Një tjetër pikë e rëndësishme: kompania nuk u financua vetëm nga investitorë privatë. Sipas Le Monde, pothuajse 600 milion euro në total u dhanë për të mbështetur industrializimin e Ÿnsect, përfshirë subvencione europiane dhe financime direkte e indirekte nga qeveritë. Një investim i madh i parave publike, i cili nuk arriti të shpëtojë projektin.
Ky është një shembull tjetër se projekte të “ekonomisë së gjelbërt” të mbështetura me paratë e europianeve shpesh rezultojnë katastrofë financiare, duke shkatërruar para dhe shpresat për një model të qëndrueshëm industrial.